Verð á (aliminum) - áli - mun hríðfalla á næstu árum !! Örlög álbræðslu á Íslandi verða þau sömu og refa- og minnkaeldis

Hvernig dettur mönnum í hug að eftirspurn eftir áli eigi eftir að aukast ár frá ári?

Ál er framleitt úr súráli.  Til þess að geta framleitt aluminum á Íslandi, þarf að flytja súrál með stórum flutningaskipum til landsins.  Hér er það brætt og flutt út aftur með stórum flutningaskipum.

Olíubrennsla skipa veldur óhemu af útblæstri af koltvísýringi.  Hvernig verður þá með losunarheimildir á þeim bæjunum?  Hvað koma þær til með að kosta?

Hvað með olíukostnað sem fer í flutning á súráli alla leið til Íslands, til þess að bræða það og framleiða ál, og flytja síðan hráefnið sömu leið til baka?

Hvað með nýsmíði í flugiðnaði, þar sem flugfélög um allan heim standa frammi fyrir gjaldþroti vegna hás eldsneytisverðs sem sérfræðingar segja að muni aldrei fara niður fyrir 100 dollara tunnuna, þar verði jafnvægispunktur olíuverðs í framtíðinni?  Ofan á hátt eldsneytisverð, munu losunarheimildir (mengunarkvóti), leggjast þungt á flugfélög, þar sem eldsneytisbrennsla þeirra veldur miklum útblæstri á koltvísýringi.

Hvaða áhrif mun eldsneytisverð í heiminum, sem og verð á losunarheimildum (mengunarkvóta) hafa á starfsemi álbræðslu hér á landi?  Mun endalaust borga sig fyrir álfyrirtækin að sigla með súrál alla leið til Íslands, láta bræða það þar, og flytja síðan hráefnið sömu leið til baka?

Munu kannski standa hér auðar álverksmiðjur um allt land, rétt eins og refa- og minnkabúin sem spruttu hér upp eins og gorkúlur og bjarga áttu efnahagslífi landans, en dugðu skammt, þar sem markaðurinn hrundi á örskömmum tíma vegna breytinga á hugarfari fólks!!!!!

 

Athugasemdir

[Hólmdís Hjartardóttir, 30.6.2008 kl. 02:49]

Flugvélar framtíðar verða framleiddar úr trefjaefum....jafnvel titan.  Annars er ég ánægð með þig

[Gunnar Rögnvaldsson, 30.6.2008 kl. 03:05]

Hvernig dettur mönnum í hug að eftirspurn eftir áli eigi eftir að aukast ár frá ári?

Já einmitt. Þetta er það sama og sagt var við norðmenn þegar þeir byggðu upp olíuiðnað sinn. Að olíuverðið myndi hrynja og aldrei bera fjárfestingarnar. Það er því lúxus fyrir Íslendinga að erlendir fjárfestar borga álverin og gera langa samninga um kaup á olíu . . afsakið . . rafmagni af Íslendingum. Eða vildurðu kanski heldur selja þeim rafmagn á dagsverði (þ.e. þegar verðið á áli hækkar)

Kveðja

[Alma Jenny Guðmundsdóttir, 30.6.2008 kl. 03:34]

Helstu sérfræðingar á svið hagvísinda telja næsta fullvíst að olíuverð muni haldast mjög hátt - hærra en það er í dag, a.m.k. til næstu áramóta, Þ.e. að olíuverð pr. tunnu fari hugsanglega upp í 160 dali.  Þeir telja hins vegar að olíu-eldsneytisverð muni fara að lækka upp úr áramótum, en þó aldrei neðan en 100 dalir tunnan.  Það er margfallt hærra verð en verið hefur áður.  Ofan á þennan kostnað álfyrirtækja sem kjósa að kaupa raforku á Íslandi til álbræðslu eiga eftir að koma mengunarskattar (losunarkvóti) og víst er að sá skattur mun leggjast á af fullum þunga.

Hversu lengi verður þá arðbært fyrir þessi fyrirtæki að greiða slíkan flutningskostnað undir hráefni sitt.  Hvernig eru markaðshorfur á áli í dag, miðað við stöðu stærstu notenda álsins, flugvélaiðnaðarins?

Þeir áralöngu samningar sem álfyrirtækin hafa gert við Íslendinga um verð á raforku verður að sjálfsögðu ekki rift - en það vita allir að það verð er nánast gjafverð.  Alcoa greiðir t.a.m. miklu hærra verð fyrir raforkunotkun undir álver sín í S-Ameríku heldur en hér.  Varla er meiri ástæða fyrir Íslendinga að undirverðleggja orkugjafa sína, fremur en Norðmenn - svo ef raforka á Íslandi væri seld á sama verði og t.a.m. í S-Ameríku, eða bara Noregi gerði það rekstrarumhverfi álfyrirtækjanna hér á landi enn erfiðara.

Kveðja 

[Tryggvi L. Skjaldarson, 30.6.2008 kl. 09:37]

Ál er ekki á undanhaldi þvert á móti eykst notkun á áli jafnt og þétt. 

Þú ættir erfitt með að komast í gegnum  heilan dag án þess að snerta ál í einu eða öðru formi. 

Flugvélaiðnaðurinn notar mikið af áli en það er ekki nema nokkur % af heildarnotkun áls.

Jakob Björnsson fyrrum orkumálastjóri hefur farið yfir hlutfall koltvísýrings vegna flutninga súráls í skrifum sínum um þessi mál. Þar kemur fram að  flutningur er smá mál í heildardæminu.

[Gunnar Rögnvaldsson, 30.6.2008 kl. 12:26]

Umhverfið getur einnig fallið alvarlega í verði og hefur gert það. Svo hefur fiskur einnig. En verðgildi skoðana er samt sú vara sem á heimsmet í verðfalli. Það er ekki sama hvaða rugl-skoðanir eru bornar til markaðar.

Best er aldrei að gera neitt, því þá skeður aldrei neitt, nema það að maður endar í herbergi með einni hurð, kistunni!

Það verða alltaf holur í veginum.

[Marinó Már Marinósson, 30.6.2008 kl. 15:48]

Ég held að menn hér á bæ muni verja skipaflotan af alefli þó svo að hann mengi, þar sem við við erum enn þá mjög háð fiskveiðum. 

[Níels A. Ársælsson., 2.7.2008 kl. 13:21]

Bandarískir sérfræðingar hafa reiknað út, ef kaninn mundi endurvinna allar gos og bjórdósir þá samsvaraði það sexfaldri framleiðslu Fjarðaráls ár hvert.