Stóra málið: Hafa þingmenn siðferðilegan rétt til þess að nota aðstoðarmenn sína til eigin valdabrölts? Almenningur greiðir laun aðstoðarmanna!

 

Hvaða störfum eiga aðstoðarmenn þingmanna að gegna? 

Hefur álag á þá aukist nú síðustu vikur vegna mikillar vinnu þingmanna sjálfra?

Hversu mikilvægu hlutverki gegna þeir á þessum umbrotatímum?

Hafa þingmenn siðferðilegan rétt til þess að láta þá vinna að störfum fyrir eigið valdabrölt innan flokka? 

Hafa þingmenn siðferðilegan rétt til þess að láta almenning greiða laun aðstoðarmanna sinna sem eru síðan notaðir til flokkspólitískra skítverka?

Eru þingmenn siðferðilega hæfir þegar þeir draga aðstoðarmenn sína með sér í svaðið? 

Athugasemdir

[ÞJÓÐARSÁLIN, 11.11.2008 kl. 11:19]

Það hlýtur allavega að vera sárt fyrir Bjarna að þegar hann er að reyna að finna verkefni fyrir aðstoðarmanninn þá fellur hann á því.

Góðmennskan kemur manni stundum í koll

[Marinó Már Marinósson, 11.11.2008 kl. 20:03]

Kannski virka aðstoðamenn þingmanna eða ráðherra eins og púkinn á fjósbitanum þessa stundina? 

[Arnór Valdimarsson (IP-tala skráð) 11.11.2008 kl. 22:39]

Guði sé lof að einhver í Framsókn þorði að segja satt. Jafn vel þótt óvart væri. Takk Bjarni!

Það væri óskandi að þingmenn annarra flokka sem eiga jafna aðild að klúðrinu, gerist jafn sekir og Bjarni, það er að segja frá: Komi fram fyrir skjöldu og opinberi syndir þær sem þeirra flokkar fela fyrir almenningi.

Hvenær ætlar stjórnin öll að víkja? Hvernig getur hún rannsakað eigin klúður og flokkanna, sem eru þarna enn. Er Bjarni eini heiðarlegi maðurinn á þingi?

Þurfum við ekki að víkja þessu liði frá og reyna að fremsta megni að skipa rannsókn sem er ópólitísk og ekki skyld bankamönnum og útrásarvíkingum.

 Framsókn hefur gert nægan óskunda, eins og verk Valgerðar sem undirlægju Davíðs og có bera glöggt vitni. 

  Sjaldan hafa jafn fáir gert svo mikið til að stela öllu, bæði peningum,  orðspori, heiðri, sjálfsvirðingu, og jafnvel frelsi. Frá svo mörgum.