Er Ásmundur Stefánsson að undirbúa stærsta rán Íslandssögunnar fyrir framan augun á okkur?

Ástæðan fyrir því að ekki er hægt að lækka stýrivexti Seðlabanka Íslands er  sú að hjá Íslendingum liggja svokölluð Jöklabréf í eigu ,,erlendra aðila" fyrir rúmlega 500 milljarða króna.  Eina leið Íslendinga til að halda því fjármagni hér heima er að halda stýrivöxtum háum og greiða fjármagnseigendunum háa vexti svo þeir séu ekki eins órólegir.  Nú telja menn að þannig verði það að vera í a.m.k. 1 ár því við eigum ekki 500 milljarða já 500 milljarða til að greiða út!

Samtök atvinnulífsins gera sífellt kröfur um lækkun vaxta sem og allir - og það er ekki hægt nema að greiða út 500 milljarða króna vegna Jöklabréfanna.  Menn hafa verið að tala um að semja við þessa útlendinga.

En...... haldið ykkur nú - það er víst ekkert á hreinu hvaða útlendingar eiga í hlut!

Því er sums staðar haldið fram að Íslendingar, Bjöggarnir, Kaupþingsþjófar, Glitnisþjófar og fleiri til eigi þessi Jöklabréf í skjóli erlendra eignarhaldsfélaga!

Getur verið að Nýi Landsbanki og Ásmundur Stefánsson sé að þvinga Seðlabanka Íslands til að greiða íslensku glæpamönnunum 500 milljarða króna út úr Seðlabanka Íslands til í beinhörðum peningum?

Athugasemdir

[Kolla (IP-tala skráð) 7.4.2009 kl. 01:32]

Orð í tíma töluð Alma!  Landráðamönnum og þjóðnýðingum fjölgar í íslensku samfélagi. Nú eigum við að gera kröfu um að nöfn eigenda jöklabréfa verði gerð opinber.

[Alma Jenny Guðmundsdóttir, 7.4.2009 kl. 01:38]

Nákvæmlega Kolla - verð að koma þessari bloggfærslu sem víðast! 

[Hafþór Baldvinsson (IP-tala skráð) 7.4.2009 kl. 12:09]

Á sínum tíma var því haldið fram að erlendir aðilar sæju sér hag í því að kaupa "jöklabréf" vegna vaxtamunar. Ég á bágt með að trúa því. Krónan hefur alltaf verið veik fyrir sveiflum og auðvelt að ráðast á hana. Þau rök sem heyrast helst nú eru þau að eigendur jöklabréfanna hafi keypt þau vegna sveiflu í gengi krónunnar.

Hvort er réttara veit ég ekki en ég tek undir það hjá Kollu að það sé tímabært að upplýsa hvaða aðilar það eru sem eiga þessi bréf.

[Alma Jenny Guðmundsdóttir, 7.4.2009 kl. 12:45]

Einhver hafði smband vegna þessarar færslu í sms-i en láðist að láta nafn fylgja!

Viðkomandi vinsamlegast hafi samband aftur!

[Matthías Ásgeirsson, 7.4.2009 kl. 15:18]

Hvað hefurðu fyrir þér í þessu?

Getur verið að þú sért með hreðjatak á þjóðinni og sért að þvinga Seðlabankann til að borga þér 500 milljarða?

Nákvæmlega jafn góð kenning.

[Theódór Norðkvist, 7.4.2009 kl. 15:25]

Hvers vegna eiga skattgreiðendur að borga spilafíkla út? Þessir menn fóru út í áhættufjárfestingu og ætluðu að greiða á drápsklyfjum lántakenda á Íslandi. Ég vorkenni þeim ekki neitt þó þeir tapi peningunum sínum.

Af hverju eiga allar eignir að hrynja í verði nema braskbréf?

[Alma Jenny Guðmundsdóttir, 7.4.2009 kl. 18:35]

Ég telst ekki eigandi Jöklabréfa!  En þau hafa verið talin í eigu erlendra aðila - sem nú eru vangaveltur um hvort séu eignarhaldsfélög þeirra sem þegar hafa ryksugað allt fjármagn út úr íslensku efnahagslífi.

Jöklabréf voru fyrst og síðast hlutabréf sem keypt voru vegna mjög hárra vaxta hér á landi.  Margt af slíkum gjörningum var brask!!

Síður en svo er ég fylgjandi því að mismuna eigi fólki en ef rétt reynist þá ná þessir 40-50 aðilar þessum 500 milljörðum af okkur líka!

[Hilmar Andri Hildarson (IP-tala skráð) 7.4.2009 kl. 19:04]

Ég var að lesa þessa kenningu hérna varðandi jöklabréfin. Eðlilegast mundi ég telja að það væri gert opinbert hverjir séu eigendur þeirra og þar með draga fram hvort um óeðlileg viðskipti sé um að ræða. Það er ljóst að mikið hagsmunamál er um að ræða og ekki síst fyrir íslensku þjóðina sem mun að óbreyttu þurfa að greiða þetta með einum eða öðrum hætti. Hinsvegar þykir mér sérstakt að lesa hér þann málflutning sem Matthías Ásgeirsson hefur fært hér inn sem og á annari bloggsíðu sem fjallað hefur um þessa kenningu um jöklabréfin. Matthías, ert þú að verja einhvern með þessháttar útúrsnúning? Af hverju ert þú andsnúinn því að þetta verði kannað betur ofaní kjölinn? Eða ertu bara einn af þeim sem alltaf þurfa að vera "fúll á móti". Ég reyndar býst ekki við að þú munir svara þessu með málefnanlegum rökstuðningi en það væri enga síður áhugavert ef þú mundir legga þig niður við að koma með vandað svar við hugrenningum þínum.

[TARA, 7.4.2009 kl. 22:40]

Auðvitað vilja allir vita hverjir eigendur bréfanna eru.

[Sigrún Unnsteinsdóttir (IP-tala skráð) 8.4.2009 kl. 00:15]

Ég bara spyr ; Af hverju er ekki löngu búið að finna út raunverulega eigendur þessara bréfa ?

Ef þetta eru íslensku útrásarvíkingarnir - af hverju er ekki búið að kæra þá fyrir landráð ?