Gordon Brown segir Davíð Oddsson taka undir rök Breta um beitingu hryðjuverkalaga gegn LÍ og Íslandi

Gordon lætur víst fylgjast með íslenskum fjölmiðlum.  Í hádegisfréttum útvarps í dag, 23.11. kom fram að Gordon Brown lítur á ræðu Davíðs Oddssonar á morgunverðarfundi hjá Viðskiptaráðinu sem staðfestingu á því að nauðsynlegt hafi verið að beita Íslendinga hryðjuvrkalögum nú í október.

 

Enn tekur Ingibjörg Sólrún þá afstöðu að vænlegra sé fyrir þjóðina að hafa þennan seðlabankastjóra, þessa ríkisstjórn, þetta fjármálaeftirlit - til þess að koma okkur á lappirnar aftur!

Held að við séum fullfær um það - þjóðin sjálf - án aðstoðar frá ofangreindum stuðningsaðilum einhverrar þá mestu spillingar sem nokkurn tímann hefur blómgast svo vel sem síðustu 2 áratugi.

Ingibjörg Sólrún tekur sjálfstæðismenn í nefið. Icesave - Evrópusambandið o.fl.

 

Verða hennar vinnubrögð framtíðin? 

Nú fyrst er ástandið í þjóðfélaginu hættulegt! - Hvað heitir ástand, þar sem stjórnvöld þegja samfélag sitt til heljar?

Lesið viljayfirlýsingu ríkisstjórnar Íslands til Alþjóðagjaldeyrissjóðsins.

 

Hvaða stefna er á bak við 18% vexti og +

Jú nú á að ná í erlent fjármagn eins og ákvörðun ríkisstjórnar síðustu ára hefur verið rekin.

Kalla á eftir fjármagni til þess að nýta sér gengis- og vaxtamun.

Hvað með að lækka vexti og treysta undirstöður þjóðarinnar með traustu atvinnulífi og traustum rekstri heimilanna?

Í viljayfirlýsingu kemur einnig fram að einhvers konar þjóðarsátt verði gerð á lífskjörum fólks?

Fyrir því hafi stjórnin vilyrði.

Hefur Verkalýðshreyfingin samþykkt það?

Hvað heitir ástand, þar sem stjórnvöld þegja samfélagið til heljar? 

Til hvers að kjósa í vor? Algerlega tilgangslaust - Ríkisstjórnin búin að binda hendur okkar til næstu ára. Engin ný ríkisstjórn breytir því!!!!

Sjáið viðtal við Ólaf Ísleifsson á visir.is

Skoðið einnig vel viljayfirlýsingu ríkisstjórnar Íslands.  Þar er búið að negla niður peningamálastefnu, kjaramálastefnu, blanda íslenskum lífeyrissjóðum inn í umræðuna.  Búið að ákveða kjarasamninga til lengri tíma - er það með samþykki verkalýðshreyfingana?

 

Nú fyrst er hættulegt ástand á Íslandi!!!!! 

 

Ríkisstjórnin strax frá - kalla til utanþingsstjórn alls ekki þjóðstjórn.  Utanþingsstjórn verði sett á sem mun stýra fram yfir kosningar, þegar nýr meirihluti verður myndaður. 

Verkalýðshreyfingin búin að gera þjóðarsátt um kjarasamninga skv. yfirlýsingu ríkisstjórnar til Alþjóðagjaldeyrissjóðsins!!!!!!

 

Ég hvet ykkur til að lesa yfirlýsingu/umsókn Íslensku ríkisstjórnarinnar til Alþjóðagjaldeyrissjóðsins.

Fara inn á DV og líta á herlegheitin

 

Hvað finnst þér um þessi leyni-vinnubrögð verkalýðshreyfinganna, ASÍ, VR, BSRB, Rafiðnaðarsambands Íslands, Eflingar o.fl. og fl. 

Hefur félagsfundur þinn samþykkt þessa þjóðarsátt? 

Lélegur blaðamaður!

Af hverju spyr blaðamaður viðmælanda sinn ekki, hvort aðgerðir ríkisstjórnar í húsnæðismálum séu þá bara algerlega ónauðsynlegar aðgerðir?

Er fólk að versla út á debet eða kreditkort?

Hvaða aldurshópar?

Er viðomandi blaðamaður með fagmenntun í fjölmiðlafræðum?

Ef svo er fer hann/hún illa með þá þekkingu 

Kaupmenn hafa litlar áhyggjur af jólaverslun

Líta stjórnvöld á íslenskan almenning sem hryðjuverkamenn? Af hverju ráða þau hernaðarsérfræðing til ráðgjafarstarfa? Þjóð sem aldrei hefur átt her?

 

Hversu langt munu íslensk stjórnvöld ganga í því að virða lýðræði að vettugi?

 

Jóhanna Sigurðardóttir, Geir H. Haarde, Þórunn Sveinbjarnardóttir, Árni Matthiesen, Ingibjörg Sólrún Gísladóttir, Kristján Möller, Þorgerður Katrín Gunnarsdóttir, Björgvin G. Sigurðsson, Björn Bjarnason, Össur Skarphéðinsson, Einar Guðfinnsson

Þið eruð nöfn, einstaklingar rétt eins og við almenningur.  Hvað gefur ykkur leyfi til þess að ráða sem sérfræðing til ríkisstjórnar Íslands - hernaðarsérfræðing?

Það hefur aldrei verið til her í þessu landi og er það tilkomið vegna þess að íslensk þjóð hefur ekki litið til hernaðar sem ábatasamaleið til þess að greiða götu íslenskrar þjóðar!

Stríðsátök er ekki eitthvað sem nein þjóð lendir í, heldur er það ákvörðun þjóðar.

Af hvaða ástæðum haldið þið svo fast í stjórnvölinn?   

 Legg til að gerð verði könnun á afstöðu almennings til ríkisstjórnar Íslands!

Svarið verði bara já eða nei.

Ekki gefa upp neitt varðandi pólitík - heldur einungis: ,,Styður þú núverandi ríkisstjórn?" 

Hvers vegna er verið að sýna beint frá blaðamannafundi Sjálfstæðisflokksins? Því þá ekki beinar útsendingar frá hádegisverðarfundum annarra flokka?

 

Þriðji stærsti stjórnmálaflokkur landsins hittist í hádegi.

Tilefni til blaðamannafundar?

Er það þjóðarhagur að sjónvarpa beint frá fundum stjórnmálaflokkanna?

Því tala fjölmiðlamenn ekki við forystu verkalýðshreyfinganna um nú sett lög,

sem lögleiða mismunun á atvinnuleysisbótum? 

Búið að samþykkja lög um mismunun almennings til atvinnuleysisbóta!!!

Ég hef reynt að vekja athygli á því að verið er að lögfesta mjög grófa og í raun siðlausa mismunun.

Þeir einstaklingar sem höfðu laun undir 300.000 krónur fá 158.000 í atvinnuleysisbætur.

Þeir sem höfðu laun yfir 300.000 krónum fá 220.000 krónur í atvinnuleysisbætur.

 

Sá sem er í minnkuðu starfshlutfalli fær laun - og mismunin greiddan sem atvinnuleysisbætur - jafnvel þótt viðkomandi hafi haft 1.000.000 í laun - minnki starfshlutfall sitt niður í 50%.

Viðkomandi fær þá 500.000 krónur í laun og 110.000 krónur í atvinnuleysisbætur.

Sá sem hafði 200.000 krónur í laun - lækkar starfshlutfall sitt niður í 50% fær þá í laun 100.000 krónur og í atvinnuleysisbætur kr. 75.000 krónur.

 Þingmenn allra flokka - líka stjórnarandstöðu greiddu atkvæði með frumvarpi - þ.e. þeir 40 sem voru mættir.  18 þingmenn voru fjarverandi.  Engin alþingismaður greiddi mótatkvæði.

Hvar eru formenn Verkalýðsfélaganna?

Hvað er Gylfi Arnbjörnsson hjá ASÍ?  Er hann að tala við fólkið sitt?  Veit hann kannske ekki af þessu?

Hvar er Ögmundur Jónasson, formaður BSRB?  Því greiðir hann atkvæði með þessu frumvarpi?

Hvar er Gunnar Páll Gunnarsson, formaður VR?  Er hann að nýta tímann í eiginhagsmunavinnu með stjórn VR?  Hvað segir hann fyrir hönd allra sinna skjólstæðinga í VR sem munu fá lægri upphæð í atvinnuleysisbætur en aðrir?

Hvar eru fjölmiðlarnir? 

Hvað finnst Evrópusambandsríkjum um einhliða upptöku evru Íslendinga? Mun það laga orðspor okkar?

 

Hvernig höfum við komið fram við aðra síðustu árin?

Voru aðrir jafn ánægðir með okkur og við sjálf?

Ber það ekki vitni um okkar staðföstu trú að við vitum allt best, kunnum allt best og

megum bara gera það sem okkur sýnist!

Er ekki komið nóg af þessum sjálfumglaða og um leið heimska hugsunarhætti?