Bjarni Benediktsson og Illugi Gunnarsson segja það nauðsyn að hafa alþingismenn í stjórnum fyrirtækja!

Á Borgarafundi í Iðnó s.l. miðvikudag og á framboðsfundi hjá Illuga Gunnarssyni í húsi Öskju á fimmtudag, lýstu þessir þingmenn því yfir að þeir teldu að alþingismenn ættu að sitja í stjórn fyrirtækja.

Illugi Gunnarsson sagði það nauðsynleg tengsl alþingismanna við atvinnulífið!

Hvað finnst okkur um það?

Athugasemdir

[Gísli Foster Hjartarson, 14.3.2009 kl. 14:54]

Ertu ekki að grínast? Það gæti verið í lagi ef að menn axla þá ábyrgð þegar eitthvað bjátar á - dæmi sjóður 9 hjá Illuga hann hrundi og því ætti Illugi að segja af sér, sjóðurinn er ekkert annað en lítið fyrirtæki sem er að reyna að ávaxta peninga. Segjum svo að Bjarni verði formaður flokksins á hann þá að sitja í stjón N2, vera á þingi og jafnvel ráðherra líka??Hagsmuna hverra á hann að gæta?

Þetta er vandmeðfarið

[Arinbjörn Kúld, 14.3.2009 kl. 16:21]

Kjaftæði. Þingmenn eru okkar fulltrúar og eru í fullu starfi sem slíkir. Þeir eiga ekkert með að þvælast í stjórnum fyrirtækja og skapa þannig hættu á hagsmunaárekstrum og spillingu. Gleymum því ekki að þeir misstu allt samband við kjósendur sína - hafi þeir þá nokkrun tíma haft þau í dansinum í kringum gullkálfinn.

[Margrét Birna Auðunsdóttir, 16.3.2009 kl. 15:09]

Mér finnst að það eigi að vera í lögum að alþingismenn megi ekki sitja í stjórnum fyrirtækja og vera yfirhöfuð á launaskrá annars staðar en hjá Alþingi. Það mætti ætla að þingmennska væri ekki fullt starf ef það er hægt að vera stjórnarformaður N1 með því.

Á móti ætti svo að tryggja þeim góð laun því að það er nauðsynlegt að þeir séu ekki fjárhagslega háðir aðilum úti í bæ.

Mig minnir annars að opinberir starfsmenn megi ekki vinna neitt annað með, allavega var það þannig þegar ég var hjá TR. Og ekki var ég eins mikilvæg og þingmennirnir okkar.

[Jakob Falur Kristinsson, 19.3.2009 kl. 15:07]

Stjórnarseta Illuga Gunnarssonar í Sjóði 9 hjá Kaupþing kostaði skattgreiðendur 9 milljarð en það var sú upphæð sem ríkið lagði inn í sjóðinn til að lagfæra alla vitleysuna, sem var gerð í þeim sjóði.  Bjarni Benediktsson hafði þó vit á því að segja af sér sem stjórnarmaður í N1 sem er fjölskyldufyrirtæki Engeyjarættarinnar.  Ef þeir haf lýst þessu yfir á opinberum fundi í Iðnó,þá eiga þeir ekkert erindi á Alþingi.  Annað hvort eru menn þingmenn í fullu starfi eða að þeir eru í viðskiptalífinu.  Það er bara þeirra val, en að vera á báðum stöðum gengur ekki og er hneyksli.

[Jón Snæbjörnsson, 21.3.2009 kl. 17:53]

er ekki best að þér séu í því strafi sem þeir eru ráðni til og vera ekkert að blanda sér í annan rekstur