m

 

Það hefur lengi verið vitað að  Grænlendingar hafa átt í miklum félagslegum erfiðleikum og er sá vandi í það minnsta hluti af efnahagsástandinu þar.

Á Austurströnd Grænlands er afar dapurt ástand - Kúlusúk, Tassilaq og fleiri stöðum.  Það er ekki nema 1,5 klst. flugtími á milli Austurstrandarinnar og Reykjavíkur.

Hér er um þjóð sem tilheyrir Danmörku en það breytir því ekki að hér er um nágranna okkar að ræða og legg ég fram þá tillögu hér að Íslendingar aðstoði vel og dyggilega við félagslega uppbyggingu í landinu.  Við eigum t.a.m. mjög mikla þekkingu hér á landi til lausnar áfengis- og fíkniefnavanda og gætum aðstoðað á þann veg.

Bág staða barna á Grænlandi á borð Norðurlandaráðs

Eygló Harðardóttir, alþingismaður, í guðanna bænum leggstu ekki svona lágt!

 

Bendi hér á bloggfærslur hins nýja alþingismanns Framsóknarflokksins, Eyglóu Harðardóttur.

Nýjasta færslan ,,Græn ríkisstjórn" sýnir vinnubrögð þessa nýja þingmanns!

Eru þetta áherslur í vinnubrögðum þessa nýja þingmanns?

Væri henni ekki nær að upplýsa okkur um störf alþingis?

Hún er akkúrat á þeim stað, sem þjóðin er svo gjörsamlega búin að fá nóg af.

Merkilegt! Hvað segir nýr formaður Framsóknarflokksins nú? Samrýmist þetta bættri ímynd Íslands í alþjóðasamfélaginu?

 

Mikill hefur misskilningur fólks verið varðandi hvalveiðar Íslendinga nú á síðustu 20 árum.

Við notum þetta mál í einhvers konar sjálfstæðisbaráttu - og er jú gott að finna að þjóðin getur að meirihluta einhvers staðar staðið saman ...... en

þetta snýst ekki endilega um hvort komi fleiri eða færri ferðamenn til landsins vegna hvalveiðanna?

Þetta snýst ekki endilega um hvort fleiri eða færri ferðamenn fari í hvalaskoðunarferðir!

Þetta snýst um öll viðskipti okkar í alþjóðasamfélaginu.  Þótt við teljum að þessar langreyðar séu í okkar eign og okkur því leyfilegt að veiða þessi dýr - þá er það ekki svo.  Langreyðar eru flökkudýr og eru í sjávarútvegslögsögu annarra þjóða líka en þau veiða þær ekki.

Alþjóðasamfélagið reisir sína skoðun á úttekt vísindamanna og einnig þeirra íslensku.

Málið er bara að langreyðin er sameiginleg eign allra þjóða þar sem hún er flökkudýr og því höfum við ekki skilyrðislausan rétt til þeirra veiða.

Þessi ákvörðun er sérstaklega viðkvæm nú og hefði ég viljað að sjávarútvegsráðherra fyrrverandi hefði velt betur fyrir sér afleiðingum þessara veiða á traust alþjóðasamfélagsins í okkar garð.

Þetta á eftir að koma niður á allri þjóðinni en ekki einungis ferðaþjónustunni.

Þar er ímynd okkar í veði - svo ég held að þessi sjálfstæðisbarátta okkar eigi eftir að verða okkur dýrkeypt?

36 þingmenn vilja hvalveiðar

.......en það er ráðgjafi sem Geir Haarde réði - sem leggur til að skipt verði um í brú bankastjórna og stjórnenda!

 

Það var undir forsæti Geirs Hilmars Haarde sem ákveðið var að ráða sérstakan erlendan ráðgjafa til þess að fara yfir stöðu bankamála á Íslandi.

Sá ráðgjafi hefur nú gefið út yfirlýsingar um stefnu sem beri að taka.  Þetta er á fréttavefjum allra fjölmiðlanna í dag.

Svo Ármann Kr. Ólafsson - er einhver misskilningur hjá þér í gangi í ræðum þínum í dag í þingsal?

Er Jón Daníelsson, hagfræðingur að ráðleggja Framsóknarmönnum eitthvað allt annað en VG og Samfylkingu?

 

Framsóknarmenn tala um að vantað hafi leiðir til þess að vinna eftir stjórnarsáttmála-framkvæmdalista?

Jón Daníelsson, hagfræðingur frá London school of  Economic, var kallaður heim til ráðgjafar.  Í fréttum hefur komið fram að hann hafi fundað með VG, Samfylkingu og Framsókn.  Þá vilji Sjálfstæðismenn fá hann á sinn fund.

Úr því að ekki liggur fyrir hvaða leiðir eigi að fara varðandi 3 atriði Framsóknar þá spyr ég bara eins og ljóskan:  Er Jón Daníelsson að ráðleggja Framsóknarmönnum eitthvað allt annað en Samfylkingu og VG?

Ég spyr aftur eins og ljóska:  Treystir Framsóknarflokkurinn ekki þeim sérfræðingum Gylfa Magnússyni eða Björgu Thorarensen?

Er Framsóknarflokkurinn að kaupa sér vinsældir fyrrum rekkjunauta Sjálfstæðisflokksins?

Þeim er ekki viðbjargandi!!!!

Gylfi Magnússon og Björg Thorarensen, sérfræðingar í nýrri ríkisstjórn ekki nógu góð fyrir Framsókn?

 

Gera Framsóknarmenn sér grein fyrir því að hér er verið að tala um verkstjórn til 2,5 mánaða.

Standa þeir að ríkisstjórnarsamstarfi?

Þeir vilja sjálfsagt frekar þá stjórn sem hefur verið við lýði!

Eru þeir svo fastir í framsóknar-fílabeinsturninum að þeir skynja ekki almenna ánægju með það fyrirkomulag sem kynnt hefur verið - pólitíkusar og sérfræðingar!

Nú held ég að Framsókn sé að tapa stórt!

Ný ríkisstjórn eftir helgi

Geir Hilmar Haarde, af hverju er þá allt þetta fólk atvinnulaust? Af hverju eru fyrirtækin að hrynja?

Á sérstökum hvatningarfundi á Nordica-Hilton sem Sjálfstæðisflokkurinn stendur fyrir núna - gerir Geir Hilmar Haarde lítið úr vanda íslensku þjóðarinnar.

Þá segir hann Samfylkingu hafa slitið stjórnarsamstarfi vegna haturs á einum manni!

En enn og aftur Geir - hvað með fólkið í landinu?  Fólkið í landinu sem skapar þjóðarauðinn?  Verður það vegna haturs á einum manni sem reiknað er með að 20.000 manns verði án atvinnu nú í byrjun sumars?

Stuðningsmenn sem fagna ákaft formanni/foringja sínum hafa sjálfsagt sömu skoðanir!

Gera of mikið úr vandanum

Varaformaður Framsóknarflokksins ítrekað gestur ólöglegs spilavítis - lögregla þarf að hafa afskipti af.

 

Í grein á Visi, Stöð 2 og DV er sagt frá því að 5 - 6 lögregluþjónar hafi þurft að rýma ,,spilavíti/Pókerspilastað í miðbæ Reykjavíkur.  Þar er Birkir Jón varaformaður Framsóknar sagður venja komur sínar, ásamt þá öðrum gamblerum.

Þetta er ekki í fyrsta skipti sem sá maður er staðinn að ólöglegu athæfi hér á landi við að gambla með peninga!

Ég spyr:  Er þetta hreinsunin /siðbótin í Framsókn!

Er manni sem er alþingismaður, varaformaður stjórnmálaflokks treystandi til þess að koma nærri málefnum löggjafarvaldsins, þar sem hann situr við að setja lög - en dundar sér svo við að brjóta þau í frítíma sínum?

Óhófleg bjartsýni Íslendinga vegna ferðaþjónustunnar á komandi misserum!

Ég hef verið að benda hinum íslensku bjartsýnismönnum á að ekki skuli þeir svo öruggir með innkomu gjaldeyris af ferðamönnum og vísa ég í þessa grein Alþjóða-ferðamálastofnunar SÞ.

Íslendingar hafa að mestu markaðssett sig a Norðurlöndunum, Bretlandi, Frakklandi, Þýskalandi, Hollandi, Ítalíu og BNA.

Í þessum löndum er efnahagsástand mjög bágt.  Þótt íslenska krónan sé hagstæð, verður ekki það sama sagt um innlendan kostnað vegna hárra stýrivaxta og mikillar verðbólgu.

Bretar hafa verið fjölmennir í þeim hópi sem sækja Íslendinga heim - en munu þeir ferðast mikið á milli landa, fremur en við?  Efnahagsástand þeirra er orðið afar slæmt.  Þá horfir illa hjá Frökkum í þeim málum einngi.

Þá eru önnur rök fyrir þessari skoðun minni sú, að fólk í Evrópu - sem á annað borð fer á milli landi, muni sækja heim ódýrari lönd en okkur.

 Held að við þurfum að vera raunsæ í spám okkar um fjölda erlenda ferðamanna til Íslands, næstu misserin og miða áætlanir við raunverulegt ástand á þeim mörkuðum sem við höfum mest sótt á.

Þá ætti Ferðamálaráð - undir Iðnaðarráðuneyti að fara að kanna markaðssókn í Asíu en þar eru efnahagshorfur ekki alveg eins slæmar.

Ferðamönnum fækkar í Evrópu

Mótmælafundur um ofbeldi, hefði betur mótmælt þessu ofbeldi!

Það var sorgleg staðreynd að fólk sá fremur ástæðu til að mótmæla ofbeldi og eignaspjöllum en að mótmæla þessum Hæstarréttardómi.

Segir mikið um gildismat!

Þar mæltu fyrir fundi:  prestur, eiginkona lögreglumanns og skáti m.a.

Gagnrýnir dóm um flengingar